മോഹൻലാലിന്റെ മകൻ പ്രണവിന് അച്ഛനെപോലെത്തന്നെ ആരാധകരും ഏറെയാണ്. പ്രണവ് എവിടെയാണ് ? എന്ത് ചെയ്യുന്നു ? എന്നൊക്കെ ആരാധകർ ആകാംക്ഷയോടെ അറിയാൻ താല്പര്യപ്പെടുന്ന കാര്യങ്ങളാണ്. അടുത്തദിവസങ്ങളിൽ പ്രിയദർശന്റെ മകൾ കല്യാണിയും പ്രണവ് മോഹൻലാലും ഒരുമിച്ചുള്ള ഫോട്ടോ സമൂഹ മാധ്യമങ്ങളിൽ വൈറലായിക്കൊണ്ടിരിക്കുകയാണ്. ഏതോ സ്വകാര്യ ചടങ്ങിനിടെ പകർത്തിയ ചിത്രമാണ് ഇത്. പ്രണവും കല്യാണിയും ബാല്യകാല സുഹൃത്തുക്കളുമാണ്.
പ്രണവ് സിനിമയിൽ അഭിനയിച്ചില്ലെങ്കിലും അദ്ദേഹത്തിന് ധാരാളം ആരാധികമാരുണ്ട്. സ്വല്പം വിഷമത്തോടെയും നടുക്കത്തോടെയുമാണ് ഇവരിൽ പലരും ചിത്രം ഷെയർ ചെയ്തിരിക്കുന്നത്. പ്രണവും കല്യാണിയും വെറും സുഹൃത്തുക്കൾ മാത്രമാണോ എന്നാണ് എല്ലാവർക്കും അറിയേണ്ടത്.
